”ريهام محمود”.. غيرت حياتها بـ”الخضار والفاكهة”

"بعد أول شهر بدأت مجموعة آلام المفاصل اللي كانت بتنغص عليا حياتي تقل، ودلوقتي بقت ذكرى.. كل ده بفضل النظام" ببهجة كبيرة وطاقة إيجابية، كتبت ريهام  على مجموعة (Plant Based Diet Egypt) بموقع فيسبوك عن تجربتها مع هذا النظام الغذائية الذي فقدت بسببه جزء كبير من وزنها وكذلك مجموعة من المشاكل الصحية.

المجموعة أسسها السناريست "مصطفى حلمي" منذ حوالي عام وتضم ما يتجاوز 250 ألف عضو، يتبادلون النصائح الغذائية ويحاولون مساعدة بعضهم البعض في الثبات على النظام ومشاركة الوصفات الطيبة وغير ذلك.

شرحت ريهام باستفاضة معاناتها مع الوزن الزائد وتبعاته الصحية، " أنا كان عندى آلام فى الرقبة، الكتف، الكوع والقدمين.. آلام غير محتملة يصعب وصفها لما كانت بتجيلى كريزة الرقبة والكتف دي كنت بقعد كام يوم مش قادرة أتكلم .. مش قادرة حتى أبص لحد ..ولا حتى النوم مريح.. مع الالتزام بالنظام راح كله من أول شهر".

الفرق بين الـ vegetarian و الـ vegan والـ plant based diet

6 أشهر، هي الفترة التي قضتها ريهام ملتزمة بهذا النوع من النظام الغذائي النباتي، وأول شيء سيخطر على البال أن الطريق كان مليء بالعثرات من جوع وحرمان وصحة نفسية معتلة كما معظم الأنظمة الغذائية، لكن ريهام تؤكد أن "القصة مش صعبة ومافيهاش تعذيب مش هنجّوَع نفسنا ..بالعكس أنا باكل طول الوقت وباكل أكل بحبه: خضار مطبوخ و كل أنواع الفاكهة، ومش ممنوعة من النشويات اللي فيها البهجة كلها: رز ومكرونة وفريك وعيش وبطاطس فوق ده كله مكسرات يعني آخر دلع والله.. كل الأكل اللى بتمنعه الأنظمة التانية علشان التخسيس.. أنا باكله وبخس والأهم من ده كله ..كسبت صحتي".

المهندسة ريهام، أصبحت أحد مديري "الجروب" بجانب مصطفى حلمي و باسم يوسف، والتي انضمت له في فبراير 2016 وظلت تقرأ تجارب الناس لفترة حتى قررت التجربة، وبعد شهر فضلت الاستمرار لتصف عام 2016 بأنه عام فاصل في حياتها لأنه أهداها فرصة جديدة للحياة وهو ما تعتبره أهم كثيرًا من فقدانها 15 كيلو جرامًا من وزنها.

8 معلومات تساعدك على اتباع النظام الغذائي النباتي "PBD"

 الفكرة في هذا النظام النباتي أنه "أسلوب حياة" وليس "ريجيم" لفقدان الوزن فقط. فيجب أن تضبط حياتك على هذه الطريقة طوال عمرك وستجد أن صحتك تحسنت بشكل كبيرة وعلى كافة المستويات  " النوم عميق وأقل ساعات نوم بتفوقنى بعد ما بطلت قهوة، النفس منتظم  والبشرة مابقتش دهنية زى زمان..وده اعجاز والله..المود والمزاج والطاقة والإرادة والشخصية وكله اختلف الحمد لله للأفضل بشكل فارق جدًا".

ترجع ريهام الفضل فيما وصلت إليه لمؤسسي "الجروب" وللأعضاء الذين لا يبخلون على بعضهم بالتشجيع والطاقة، والوصفات والأفكار الجديدة للطعام."

الكالسيوم والنظام النباتي .. سين وجيم